Herbie Hancock

Dr Herbert Jeffrey „Herbie“ Hancock (* 12. April 1940 z Chicago, Illinois) isch e amerikanischer Dschääs-Pianist und Komponist und en Oscar- und Grammy-Briisdreeger. S Improwisiere vom Hancocks isch brägt vo ere „Funky-Spiilwiis“ und dr Verwändig vo expressive Chrüzrhüthme. E Hufe vo siner Komposizione si Klassiker worde, wo Dschääs-Musiker as Improwisationsgrundlaag verwände. Dodrzue ghöre Watermelon Man, Cantaloupe Island und Maiden Voyage, wo alli in de 1960er Joor uf em Blue-Note-Leibel erschiine si.

Dr Hancock isch sit em 31. August 1968 mit dr dütsche Dekoratöörin und Kunstsammlere Gudrun Meixner^[1] (* Stendal) verhürootet; si häi e Dochder, Jessica. Im Hancock si Schwöster Jean, wo e Songtextere und Kompiuteranalüstin gsi isch, isch 1985 41-jöörig bim ene Flugzügunfall umchoo.^[2]

1. ↑ Bild von Hancock und Meixner Archivlink (Memento vom 27. Septämber 2007 im Internet Archive)
2. ↑ Jean Hancock, Lyricist Killed in Jet Crash